ABC zbardh dëshminë e Arben Memës, 32-vjeçarit që u fut me makinë në sheshin Skënderbej duke bërë veprime të pakontrolluara.
Mësohet se ai ka deklaruar se ishte nisur për të votuar dhe ka kaluar nga zona e parkut ku ka marrë 5 gramë kanabis në dy qese farmaceutike. Mema është shprehur se një pjesë prej tyre i ka pirë dhe pastaj shton se nuk e ka kuptuar si ka ndodhur ngjarja.
Lexo edhe: EKSKLUZIVE/ U fut me makinë në mes të sheshit duke terrorizuar qytetarët, agresori flet për ABC
“Dola nga shtëpia dhe para se të shkoja për të votuar, kalova te zona e parkut. Aty mora 5 gram kanabis në dy qese farmaceutike. Një pjesë e piva. Nuk e di as vetë si ndodhi sepse nuk po kuptoja asgjë. Isha në Yzberisht dhe aty më doli një makinë para e përplasa”, ka thënë ai mes të tjerash.
Burime bëjnë me dije për gazetaren e ABC Xhensila Kodra se efektivët e Anti-Terrorit do të këqyrin vendngjarjen dhe banesën e tij në Kombinat pasi ai rezulton me precedentë të mëparshëm penalë në fushën e prodhimit dhe shpërndarjes së lëndës narkotike.
Mema po hetohet për veprën penale “vrasja në rrethana cilësuese e mbetur në tentativë”, ndërkohë që burime nga Anti-Terrori bëjnë me dije se po hetohet nëse rasti i tij ka lidhje me krimet zgjedhore. /mv.abcnews.al
