Një 29-vjeçare nga Korça e infektuar me COVID-19 ka ndërruar jetë ditën e sotme në spitalin “Shefqet Ndroqi”, pak ditë pas ishte bërë nënë. Burime bëjnë me dije për ABC se e reja ishte shtruar në spital si pasojë e komplikacioneve për shkak të COVID në datë 20 janar teksa ndodhej në ditët e fundit të shtatëzanisë.
Pas tre ditësh ajo ishte dërguar të lindur foshnjën dhe më pas është shtruar për herë të dytë në spitalin COVID, pasi gjendja e saj është rënduar sërish. Prej disa ditësh ajo ishte futur në intubim.
Burime thonë se e reja ka ndërruar jetë nga komplikacioni kardiak, ndërsa mësohet se nuk vuante nga sëmundje të tjera bashkëshoqëruese.
Situata e COVID në vendin sa vjen e rëndohet për shkak se shifrat e të infektuarve gjatë ditëve të fundit kanë qenë gjithnjë në rritje. Një ditë më parë autoritetet shëndetësore raportuar për 1089 raste të reja dhe 15 humbje jete në 24 orët e fundit./mv.abcnews.al
