Turqia është në bisedime me Mbretërinë e Bashkuar për blerjen e avionëve luftarakë Eurofighter, sipas një burimit të Ministrisë së Mbrojtjes turke. Ministri turk i Mbrojtjes Yasar Guler do të flasë sot për këtë çështje me homologun e tij britanik Grant Shapps, tha i njëjti burim.
Turqia dëshiron të blejë versionin më të fundit dhe më të avancuar të Eurofighter, shtoi ai, duke sqaruar se dëshira e Ankarasë është të blejë gjithsej 40 Eurofighter të rinj, 20 në fazën e parë dhe 20 në fazën tjetër.
I njëjti burim tha gjithashtu se procesi për blerjen e F16-ve nga SHBA po vazhdon. “Ndërsa procesi i prokurimit dhe modernizimit të F16 vazhdon, i vetmi avion ku po përqendrojmë vëmendjen tonë është Eurofighter”, thuhet në deklaratë.
/abcnews.al
