Kryeqyteti i Guinea-Bissau u zhyt në errësirë pasi kompania turke Karpowership ndërpreu furnizimin me energji elektrike në vendin e Afrikës Perëndimore për shkak të një borxhi të papaguar prej 17 milionë dollarësh.
Ministri përgjegjës i energjisë i vendit tha se aranzhimet ishin duke u zhvilluar për të paguar 15 milionë dollarët dhe premtoi se çështja do të zgjidhej brenda 15 ditëve.
“Karpower ka rënë dakord të rinegociojë me qeverinë për të siguruar që problemi të mos vazhdojë,” tha ministri në një konferencë për shtyp.
Në një deklaratë mbi situatën në Guinea-Bissau, një zëdhënës i Karpowership tha se “Për fat të keq, pas një periudhe të zgjatur të mospagimit, termocentrali ynë nuk është më në gjendje të vazhdojë të funksionojë.”
Karpowership, një nga operatorët më të mëdhenj në botë të termocentraleve dhe anëtare e Karadeniz Energy Group, ka furnizuar 100% të nevojave elektrike të Guinea-Bissau që nga nënshkrimi i marrëveshjes në 2019.
Objektet të kompanisë ofrojnë më shumë se gjysmën e energjisë elektrike të konsumuar nga shumë vende të Afrikës Perëndimore si Gambia dhe Sierra Leone. Ato janë zgjidhje të përshtatshme për vendet, prodhimi i të cilave është i pamjaftueshëm për të përmbushur kërkesën në rritje, ose ku infrastruktura është dëmtuar nga konflikti.
Përfshirja e Karpowership në sektorin e energjisë elektrike është shembulli i fundit i ndikimit në rritje të Turqisë në Afrikë.
Edhe pse qasja në energji elektrike është përmirësuar në Afrikën Sub-Sahariane vitet e fundit, ajo mbetet ende e ulët, me më shumë se 50% të popullsisë së rajonit pa lidhje me rrjetin, sipas Konferencës së Kombeve të Bashkuara për Tregtinë dhe Zhvillimin (Unctad).
Kompania turke nënshkroi gjithashtu një marrëveshje për furnizimin me energji elektrike në Afrikën e Jugut, duke thënë se do të mbulojë më shumë se 5% të nevojave totale të vendit për energji elektrike.
