Irani dhe Pakistani nuk duan të përshkallëzojnë tensionet në rajon, tha sot ministri i Jashtëm turk Hakan Fidan pas një bisede telefonike me homologët e tij nga dy vendet që kanë shkëmbyer sulme ndërkufitare në dy ditët e fundit.
Në një konferencë për shtyp nga Jordania, Fidan vuri në dukje se Turqia u rekomandoi të dy palëve që të mos ketë përshkallëzim të mëtejshëm dhe që paqja të rivendoset sa më shpejt të jetë e mundur.
Dy ditë pas sulmeve iraniane në tokën e tij kundër atyre që Teherani tha se ishin pozicione “terroriste”, Pakistani njoftoi sot se kishte kryer brenda natës “sulme kundër strehimoreve terroriste” në Iran.
/abcnews.al
