Turqia ka gjobitur Google të hënën si pjesë e procedurave të lidhura me ofrimin e rezultateve të kërkimit në tregun lokal për rezervimet e hoteleve.
Siç raporton televizioni shtetëror TRT, duke cituar Këshillin e Konkurrencës, bëhej fjalë për gjobë deri në 482 milionë lira turke (rreth 15 milionë dollarë).
Hetimi për këtë çështje filloi në prill 2021. Më pas bordi vendosi që kompania amerikane, përkatësisht shërbimi Google Hotel Ads (GHA), kishte një avantazh ndaj pjesëmarrësve të tregut lokal në ofrimin e të dhënave për vendndodhjet e hoteleve, çmimet dhe krahasimet në kërkimin e përgjithshëm.
Kështu u gjykua se po krijohen barriera që shërbimet lokale të kërkimit të hoteleve të kenë një prani të plotë në tregun e reklamave të hoteleve. Ndërveprimet e tyre me klientët potencial vështirësohen nga roli dominues i Google.
Në mars 2024, rregullatori prezantoi masa paraprake kundër Google, duke i dhënë afat tre muajsh për të zgjidhur pretendimet. Gjithashtu, është vendosur një gjobë ditore në bazë të të ardhurave bruto të kompanisë për vitin 2023 deri në eliminimin e plotë të shkeljeve.
Kompania tha se që nga 15 prilli, të gjitha shkeljet e identifikuara nga këshilli janë pushuar dhe shërbimet lokale të kërkimit të hoteleve janë duke funksionuar lirshëm. Megjithatë, bordi studioi situatën dhe arriti në përfundimin se kërkesat nuk ishin përmbushur.
Procesi i zgjidhjes vazhdoi deri më 21 maj, por deri në atë datë kompania nuk kishte zbatuar protokollet e kërkimit, algoritmet dhe politikat e kërkuara nga Turqia.
Në këtë drejtim, rregullatori anuloi gjobën ditore, duke e zëvendësuar me një gjobë një herë prej 15 milionë dollarësh për mosrespektim të masave parandaluese që kishte vendosur më parë.
Tashmë pritet përgjigja përkatëse nga kompania amerikane.
/abcnews.al
