Policia e Durrësit ka prangosur pronarin e subjektit që jepte mjete lundruese, pasi një turist belg u aksidentua me Jet Ski.
Burime nga Policia e Durrësit thonë për ABC News se pronarit të subjektit që jepte mjete lundruese për argëtim me vendndodhje në vendin e njohur si Shkëmbi Kavajës i është prerë fleta e arrestit.
Ndërkohe, shtetasi belg ndodhet në Spitalin e Traumës jashtë rrezikut për jetën. Hasan Kastoev, 21 vjeç, u aksidentua në orët e vona të pasdites së djeshme teksa u rrëzua nga motori i ujit.
Ka qenë vetë pronari i subjektit, Skedilajt Xhametaj, që i ka dhënë ndihmën e parë. Xhametaj sapo ka pikasur që 21-vjeçari u rrezua nga Jet Ski, u nis me një tjetër motor drejt vendit të ngjarjes duke e sjellë në breg dhe me pas turisti belg u transportua në Spitalin e Durrësit dhe me tej drejt kryeqytetit në Spitalin e Traumës.
Sipas burimeve nga bluzat e bardha, 21 vjeçari ndodhet jashtë rrezikut për jetën./abcnews.al
