Tuma e Kamenicës ka përplasur në studion e “Log” në Abc të gazetarit Endri Xhafo, dy arkeologët e njohur shqiptarë Neritan Ceka dhe Lorenc Bejko.
Ceka e akuzoi Bejkon se ka privatizuar Tumën e Kamenicës, e cila është një zbulim arkeologjik. Ndërkohë që Bejko ka thënë se Tuma e Kamenicës administrohet nga shteti.
Pjesë nga debati:
Ceka: Privatizim është kur ti merr një pronë të një personi dhe e privatizon. Tuma e Kamenicës që u gërmua me institutin e arkeologjisë dhe pasi mbaroi gërmimi pati idenë e shkëlqyer të bënte një minipark me një mini muze, ku mund të bëhej arkeologji. Kjo në vitin 2010, doli kjo çështje, dhe figuronte i gjithë ky terren si pronë.
Bejko: Tuma e Kamenicës që ka qenë pronë shtetërore dhe vazhdon të jetë pronë shtetërore.
Ceka: Teoria që ajo tokë që u takonte fshatarëve u është dhënë fshatarëve. Në vitin 2010 mora informacionin nga kadastra e Korçës dhe figuron Lorenc Bejko si pronar i 4 mijë metrave katror.
Bejko: Ishte pronë private dhe mbeti private.
Ceka: Lorenc Bejko në pronën që ke atje nuk ndahet.
Bejko: Sot prona shtetërore është 6500 metra katror.
Ceka: Meqë doli kjo Lorenc Bejko, prona është shkatërruar.
Bejko: Çfarë të shqetëson profesor?
Ceka: Është shkatërruar.
Bejko: Kush është shkatërruar mo?
Ceka: Shikoje aty ku është Tuma aty mo, shihe si është katandisur.
Xhafo: Kush e administrim Tumën e Kamenicës?
Bejko: Shteti.
Ceko: Kush shtet, qendrori apo lokali.
Bejko: Tuma administrohet nga njësia administrative.
