Gjashtë persona kanë përfunduar në spital pasi u sulmuan nga një tufë bletësh.
Ngjarja ka ndodhur në Itali në rrugën që lidh San Cataldo me Sp40.
Qindra bletë sulmuan shoferët duke shkaktuar edhe një aksident.
Mëngjesin e sotëm, rreth mesditës, një burrë po ngiste skuterin e tij kur papritur u sulmua nga tufa e bletëve dhe përfundoi së bashku me pasagjerin në një makinë.
Bletët sulmuan edhe shoferë të tjerë. Gjithsej 6 persona u pickuan nga bletët dhe përfunduan në spital.
Asnjë nga të shtruarit nuk kishte lëndime serioze.
Zjarrfikësit dhe karabinierët kanë ndërhyrë në vendngjarje dhe kanë mbyllur rrugën për qarkullimin e automjeteve. Zjarrfikësit hodhën ujë për të larguar bletët./Abcnews.al/
