Thomas Tuchel, trajneri i Chelsea, nuk pranon që skuadra e tij është favoritë në Premier League. Gjermani thekson se ata janë të katërtit si favoritë për të marrë titullin kampion dhe jep argumentet e tij për këtë temë.
“Për të qenë plotësisht i sinqertë, e shoh skuadrën time si ekipin e katërt favorit. Duhet të mbyllim diferencën me vendin e tretë, të dytë dhe të parë. Kjo është Premier League, një kampionat i ashpër. Varet nga ne, ne jemi në rolin e gjuetarit dhe duhet të zerojmë diferencën me Liverpool, Manchester City dhe Manchester United.
Duhet ta bëjmë hap pas hapi, javë pas jave. Ky është një hap i parë i mirë. Ky është realiteti dhe nuk kemi turp ta themi me zë të lartë. Ne përpiqemi të jemi më të mirë në çdo ndeshje që luajmë, por realiteti është se ne vijmë nga vendi i katërt dhe kemi tre ekipe me të cilat duhet ta mbyllim hendekun.
Ne luajtëm në Champions League dhe e fituam atë, por luajtëm si jo favoritë. Ai është një kompeticion ndryshe, është një turne dhe kemi luajtur në nivel shumë të lartë. E bëmë vazhdimisht atë gjë, ishim në nivelin më të lartë kur ishte e nevojshme dhe në fund e merituam ta fitonim.
Realiteti është se vjet e mbyllëm në vendin e katërt kampionatin dhe kishim nevojë për ndihmë nga Tottenham në ndeshjen e fundit për ta arritur atë. Nuk na ndihmon nëse e përkthejmë fitoren e Champions League si faktor që na kthen në favoritët në Premier League.
Ky është kampionati më i vështirë për t’u fituar. Tani na takon ne të ruajmë qetësinë dhe të punojmë të arrijmë në nivelin më të lartë”, është shprehur Tuchel. / abcnews.al
