Kryeministri grek Aleksis Tsipras, në një intervistë dhënë mbrëmjen e sotme në studion e Televizionit grek ALFA, u pyet edhe për ceremoninë mortore të Kostandinos Kacifas në fshatin Bularat.
“Sot është një ditë zie për familjen dhe atdheun tonë”- tha Tsipras. Ai u shpreh se nuk do të shtonte asnjë koment të veçantë për këtë ditë, por siguroi se Greqia bëri gjënë e duhur që nga dita e parë e kësaj ngjarjeje.
Pala shqiptare- tha kryeministri grek, na premtoi se autoritetet do të na japin një informacion të plotë në lidhje me këtë ngjarje shumë të pakëndshme.
Disa herë gjatë përgjigjes në intervistë, kryeministri i Greqisë e quan ngjarje të pakëndëshme vrasjen e Kacifasit. Tsipras shprehet më tej:
“Ne duhet të ecim përpara për te caktuar të drejtat e minoritetit tone dhe do të vazhdojmë në këtë dialog. Ne kemi percaktuar një politikë për të zgjidhur problemet kronike në politikën e jashtme”- përfundoi kryeministri grek Tsipras. /abcnews.al
