Donald Trump ka akuzuar median “lamestream” se kanë komplotuar kundrejt tij për të sabotuar konferencën.
Gjatë konferencës për shtyp, Trump u pyet nga CBS News ‘Weija Jiang: Pse e sheh testimin COVID-19 si një konkurs global, kur 80,000 amerikanë deri më tani kanë vdekur nga koronavirusi.
Ndoshta kjo është një pyetje që ju duhet t’ia bëni Kinës, ’u përgjigj Trump Jiang. ‘Mos më pyet mua . Bëjani Kinës këtë pyetje, mirë? ‘
Presidenti po i përgjigjej një gazetare të CNN Kaitlan Collins, por Jiang ndërhyri për të pyetur Trump përsëri: ‘Pse po ma thoni këtë pikërisht mua?
‘Nuk po e them konkretisht për askënd. Po i përgjigjem kujtdo që bën një pyetje dashakeqëse. ‘
Jiang protestoi se nuk kishte asgjë ‘të keqe’ për atë që ajo po pyeste, por pyetjes së saj të dytë se pse presidenti i tha në mënyrë specifike pikërisht asaj për të ‘pyetur Kinën’ nuk mori kurrë përgjigje.
Kur Collins më pas iu afrua mikrofonit për të bërë pyetjet e saj, por presidenti e ndërpreu atë dhe u largua nga konferenca.
Ndërkohë të hënën vonë në mbrëmje, presidenti akuzoi dy gazetaret se komplotuan së bashku për të sabotuar konferencën.
The Media Lamestream është vërtet jashtë kontrollit, shpërtheu Trump në Twitter. ‘Shikoni se si ata punojnë (komplotojnë!) së bashku. Ata janë Armiku i Popullit, por mos u shqetësoni, ne do të fitojmë në nëntor! ‘
Presidenti është përballur me kritika për sulme ndaj gazetareve femra.
Senatori Bernie Sanders e quajti postimin e Trump “ patetik” duke shtuar se presidenti është “një frikacak që akuzon të tjerët për t’u ndjerë vetë i fuqishëm”.
Korrespondentja e New York Magazine Olivia Nuzzi tha: ‘Jo-profesionalizmi i Presidentit vihet re gjithmonë më qartë kur ai intervistohet nga gazetare femra.’
Ndërkohë, shumë të tjerë akuzuan Trump se foli me racizëm ndaj gazetare Jiang./abcnews.al
