Presidenti i Shteteve të Bashkuara, Donald Trump, ka nënshkruar një urdhër ekzekutiv që parashikon ndalimin e transaksioneve me disa aplikacione kineze.
Masa mund të çojë në një përshkallëzim të mëtejshëm të tensioneve tregtare midis Shteteve të Bashkuara dhe Kinës, përpara tranzicionit të pushtetit te administrata e presidentit të zgjedhur, Joe Biden.
Mediat vendase bëjnë me dije se presidenti në Detyrë Trump, më 5 janar ka nënshkruar urdhërin që cakton Departamentin e Tregtisë të përcaktojë se cilat transaksione do të ndalohen. Masa shënjestron aplikacionet: ËeChat Pay të Tencent si dhe Alipay të Ant Group dhe gjashtë aplikacione të tjera.
Në urdhër citohen shqetësime në lidhje me aplikacionet që mbledhin informacione personale dhe financiare të amerikanëve dhe ia kalojnë ato qeverisë komuniste të Kinës. Urdhri do të hyjë në fuqi gati një muaj pasi presidenti i zgjedhur Joe Biden të inagurohet si presidenti i ardhshëm, kështu që fati i kësaj mase është i paqartë.
Alipay është një portofol digjital i përdorur gjerësisht që i përket miliarderit të tregtisë elektronike dhe themeluesit të Grupit Ant, Jack Ma. ËeChat Pay është një shërbim rival i operuar nga gjigandi i teknologjisë Tencent.
Aplikacionet tjera që përshihen në ndalesë janë: CamScanner, QQ Ëallet, SHAREit, Tencent QQ, VMate dhe ËPS Office. Urdhri ekzekutiv thotë se duke hyrë në pajisjet personale elektronike si telefonat e mençur, tabletë dhe kompjutera, “aplikacionet kineze të lidhura me programet mund të kenë qasje dhe të marrin informacione të përdoruesit, duke përfshirë informacione të ndjeshme personale”.
Vitin e kaluar presidenti Trump nënshkroi dy urdhra të tjerë si një përpjekje për të frenuar përdorimin e aplikacioneve kineze në Shtetet e Bashkuara./abcnews.al
