Ish-presidenti Donald Trump, i cili po përballet me probleme ligjore në SHBA, do të udhëtojë sot në Skoci, vendi i origjinë së nënës së tij. Donald Trump do të vizitojë fushën private të golfit në Skoci në udhëtimin e tij të parë në Mbretërinë e Bashkuar që nga viti 2019.
Avioni privat i 76-vjeçarit pritet të ulet në Aeroportin Aberdeen përpara se të vizitojë rezortin e tij të golfit në Menie Estate, i cili u hap në 2012. Bashkëpunëtorët e Trump nuk kanë treguar se sa kohë do të qëndrojë ose nëse do të vizitojë rezortin tjetër luksoz skocez në Turnberry në South Ayrshire.
Vetë Trump, megjithatë, zbuloi disa nga lëvizjet e tij në një postim në Truth Social, duke thënë: “Së shpejti do të nisem për në Skoci dhe Irlandë për të parë dhe inspektuar pronat e mia të mëdha atje.
Udhëtimi i tij përtej Atlantikut vjen pasi Trump bëhet presidenti i parë në historinë e SHBA që përballet me një gjyq penal. Ai u deklarua i pafajshëm për akuzat për falsifikimin e të dhënave të biznesit për të fshehur informacione të dëmshme përpara zgjedhjeve presidenciale të vitit 2016.
Ai akuzohet se ka paguar yllin e filmave porno Stormy Daniels. Trump, i cili i përshkruan fushat e golfit të Skocisë si disa nga më të mirat në botë, vizitoi më parë Skocinë në vitin 2018 kur ishte president.
Air Force One zbarkoi në aeroportin Prestwick në Ayrshire, duke shkaktuar një operacion të madh sigurie. Pati protesta të mëdha, përfshirë nga një aktivist i Greenpeace.
Nëna e tij, Mary Ann Trump, jetonte në në fshat të vogël të Skocisë përpara se të nisej për në SHBA në vitin 1930, në moshën 18-vjeçare. Atje ajo u martua me Fred Trump dhe Donald është një nga pesë fëmijët e tyre.
Nëntorin e kaluar, Trump njoftoi se do të kandidonte sërish për president në vitin 2024. Vizita e tij në Aberdeenshire vjen pasi llogaritë e fundit financiare të publikuara treguan një humbje prej 4.4 milionë funtesh në vitin 2021 në bizneset skoceze të Trump.
Ai gjithashtu pritet të vizitojë Irlandën, ku mësohet se do të zbarkojë në aeroportin Shannon më 3 maj. Ai do të qëndrojë në Trump International Hotel & Golf Links në periferi të Doonbeg në County Clare.
/abcnews.al
