Loading ...
Presidenti ukrainas, Volodymyr Zelensky, ka akuzuar Rusinë për sulmin ndaj një termocentrali në Kiev pasi homologu i tij amerikan, Donald Trump njoftoi një “armëpushim energjetik”.
Zelensky ka deklaruar përmes një postimi në X se e ka informuar Trumpi mbi “sulmet brutale ruse që vazhdojnë pa u ndalur”.
“Rusët goditën një termocentral në Kiev me një dron ‘Shahed’ dhe shumë rrethe përjetuan ndërprerje të energjisë elektrike. Më vonë, pati sulme ndaj objekteve energjetike në rajonin e Kharkiv. Dhe e gjithë kjo ndodhi PAS deklaratës së Presidentit të Shteteve të Bashkuara për një armëpushim energjetik”, është shprehur ai.
Rusia deri më tani nuk ka komentuar mbi zhvillimet e fundit./abcnews.al
