Për presidentin amerikan Donald Trump, misioni në Siri u krye në mënyrën më të mirë të mundshme. Përmes një postimi në Twitter, Trump ka vlerësuar maksimalisht ndërhyrjen ushtarake të Perëndimit kundër regjimit sirian.
“Një sulm i ekzekutuar në mënyrë perfekte. Faleminderit Francës dhe Mbretërisë së Bashkuar për mençurinë dhe fuqinë e tyre ushtarake. Nuk mund të arrihej rezultat më i mirë, misioni u krye!”, ka thënë Trump.
Më tej Trump është shprehur krenar për ushtrinë amerikane, për të cilën ka thënë se pasi të shpenzohen miliarda dollarë buxhet do të bëhet më e mira që Shtetet e Bashkuara kanë patur ndonjëherë. “Nuk do të ketë më të mirë se ajo, të tjerët as që do t’i afrohen”, ka shtuar Trump. /abcnews.al
