Trump kritikon çmimet Oscar, kundër fitores së ‘Parasite’

13:45 | 21/02/202013:450

Presidentit Donald Trump s’i pëlqeu fare që çmimin e filmit më të mirë në çmimet Oscar, e mori “Parasite”, një prodhim i Koresë së Jugut.

“Sa keq ishin çmimet Oscar këtë vit, i patë? Dhe fituesi është…një film nga Koreja e Jugut!”- u shpreh ai gjatë një fjalimi në Colorado. Ç’dreqin ishte kjo?! Kemi patur mjaftueshëm probleme me Korenë e Jugut sa për t’i dhënë çmimin e filmit të vitit.”

Parasite, ishte filmi i parë në gjuhë të huaj që rrëmbeu çmimin “Filmi më i mirë” natën e çmimeve Oscar.
Ndryshe nga bota, Trump-i nuk është fare i impresionuar me atë film. Duket më shumë i interesuar me filmat amerikanë që janë bërë 70 vite më parë shkruan EURO NEWS.

“Unë prisja “Gone with the Wind”, a mund ta kthejmë sërish këtë film ju lutem?”- vijoi ai teksa përmendte tituj filmash të vjetër si prodhimet më të mira të të gjitha kohërave.

Trump nuk ja kishte në fakt idenë sa i film i realizuar është Parasite, por i mjafton të dijë çfarë prodhimi është për të mos e pëlqyer. Ndër të tjera, presidenti i SHBA-së tha se nuk ka qenë asnjëherë fans i Brad Pitt-it, i cili po atë natë mori çmimin “Aktori më të mirë jo protagonist”, për filmin “Once Upon A Time…in Hollywood”.

“S’kam qenë ndonjëherë fans i tij. Ai u çua dhe bëri një fjalim që i ka hije një djali pak të mençur. Eshtë një djalë pak i mençur.”- u shpreh Trump referuar shakasë që Pitt bëri gjatë fjalimit të tij javë atë mbrëmje, në lidhje me vendimin që Senati mori pak javë më parë për Donald Trump-n./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono