Në një tubim të fushatës në Pensilvani mbrëmë, ish-presidenti amerikan Donald Trump u kërkoi anëtarëve republikanë të Kongresit të ndalonin autorizimin e mbështetjes shtesë ushtarake për Ukrainën.
Trump tha se mbështetja duhet të ndalet derisa administrata e Joe Biden të bashkëpunojë me hetimet republikane për marrëdhëniet e biznesit të familjes së tij.
“Ai po e tërheq zvarrë [SHBA-në] në një konflikt global në emër të të njëjtit vend, Ukrainës, që me sa duket i ka paguar familjes së tij të gjitha këto miliona dollarë”, pretendoi Trump.
