Në serinë e gjatë të sulmeve të Trump ndaj Biden shtohet dhe akuza se ai do të anulojë festat: “Nën mbylljen e vendit të Joe Biden, sezoni i Krishtlindjeve do të fshihet”, u shpreh presidenti i Shteteve të Bashkuara të Amerikës gjatë një takimi elektoral në Nevada, gjatë të cilit ritheksoi se për Amerikën është momenti i hapjes.
Kreu i shtëpisë së bardhë theksoi se Covid po shënon një kthesë dhe të gjithë do i rikthehen jetës normale pasi duan një jetë normale. Mbështetësve të tij ai iu bëri apel që të shihnin se çfarë po ndodhet në Europë. Se sipas një mbylljeje kishte sërish rritje të rasteve. Kandidati republikan e konsideroi të dëmshëm këtë masë për fushën ekonomike dhe pak efikase për kontrollin e pandemisë.
Në takimin e tij të tetë brenda një jave Trump u shpreh se aktualisht entuziazmi është më i madh se katër vite më parë, ai shtoi se njerëzit e kishin zgjedhur për të vendosur Amerikën në vend të parë dhe për të luftuar një klasë politike të korruptuar. Sipas tij Biden është mishërimi i një politike të korruptuar por dhe njeriu më i mërzitshëm që kishte parë ndonjëherë.
“Më thonin se nuk mund të fitoja pa Ohajon, dhe një minutë pas mbylljes së kutive të votimit, kisha fituar. Më konsideruan humbës në nëntë shtete në ditën e zgjedhjeve katër vite më parë, dhe fitova në të nëntë. Dhe këtë vit do të jetë akoma më mirë,” përfundoi Trump./abcnews.al
