KOSOVË- Një aksident me vdekje ka ndodhur në fshatin Jagodë të Klinës në Kosovë. Një person ka humbur jetën, ndërsa tre të tjerë janë lënduar si pasojë e goditjes së një makine nga treni.
“Sot rreth orës 12:35 minuta, policia është njoftuar se në fshatin Jagodë-Klinë, treni ka goditur një veturë. Policia, zjarrfikësit dhe ambulanca kanë dalë në vendin e ngjarjes. Mjeku ka konstatuar vdekjen e një personi në vendin e ngjarjes, gjersa tre të lënduarit e tjerë janë dërguar për ndihmë mjekësore në Emergjencen e Spitalit Rajonal të Pejës”, njofton policia e Kosovës.
Grupi hetimor po kryen verifikimet e duhura për zbardhjen e rrethanave./abcnews.al
