Loading ...
Pas më shumë se dy vitesh të mungesës së lëvizjes së trenave në një pjesë të zonës veriore sot është vënë në funksion treni Vore-Shkodër.
Por menjëherë pas fillimit të punës, pranë mbikalimit në Fushë-Mamurras treni është përfshirë në një aksident me një trajler. Nga mungesa e postbllokut ose rojeve hekurudhore, një kamion teksa po kalonte është goditur nga treni.
Ndërkohë shoferi i kamionit, Dashamir Mija, mësohet të ketë thënë se nuk kishte dijeni që treni ishte vënë në qarkullim dhe është treguar i shkujdesur kur ka kaluar mbi shina.
Njoftimi:
Kurbin
Rreth orës 13:50, në Fushë Mamurras, treni i pasagjerëve me linjë lëvizje nga Tirana në Shkoder , i drejtuar nga shtetasi H.T. 67 vjeç , është përplasur me një kamion të drejtuar nga shtetasi D.M. 47 vjeç.
Si pasojë, nuk ka patur asnjë person të lënduar por vetëm dëme materiale.
Të dy drejtuesit e mjeteve, pasi janë testuar me aparat alkool testues, nuk kanë rezultuar nën efektin e alkoolit.
Shërbimet e policisë rrugore, kanë arritur të bëjnë spostimin e kamionit i cili kishte mbetur i bllokuar në rrugë, duke liruar rrugën dhe lejuar trenin me pasagjerë, që të vazhdojë lëvizjen drejt destinacionit të tij.
Në përfundim të veprimeve, ka rezultuar se, shkaku i përplasjes me dëme materiale, është mosdhënia e përparësisë në lëvizje nga drejtuesi i kamionit, ndaj të cilit u morën masa administrative bazuar në Kodin Rrugor.
/abcnews.al/
