Tre persona janë arrestuar nëVlorë dhe Sarandë për vepra të ndryshme penale. Në pranga janë vënë A. L., 29 vjeç dhe A. P., 23 vjeç të dy banues në Sarandë.
Arrestimi i tyre u bë pasi gjatë kontrollit të ushtruar nga policia në lokalin e shtetasit 29-vjeçarit, ku ishte i punësuar 23-vjeçari me iniciale A. P., ushtrohej aktivitet i lojërave të fatit.
Po ashtu, policia ka ndaluar 49-vjeçarin A. B., banues në Vlorë, pasi Gjykata e Shkallës së Parë Vlorë, me vendimin e datës 09.03.2021, i ka caktuar masën e sigurimit “Arrest në burg”, për kultivim narkotikësh dhe mbajte armësh pa leje.
Është identifikuar dhe shpallur në kërkim një nga autorët e një plagosjeje në Vlorë. Kështu, në kërkim u shpall D. T., 38 vjeç, pasi dyshohet se në bashkëpunim me dy persona të tjerë, pas një konflikti për motive të dobëta, kanë goditur me sende të forta A. H., 38 vjeç. sb/abcnews.al/
