Juventusi mposhti Spal në shtëpi me rezultatin 2-0 ditën e djeshme dhe ndjekja e Interit vazhdon. Diferenca me zikaltrit e Contes është vetëm dy pikë, ndërkohë që kjo ishte fitorja e tretë rresht brenda një jave.
Aaron Ramsey e nisi si titullar kundër ekipit të Berishës dhe përshtatja me futbollin italian po shkon mbarë. Mesfushori uellsian nuk e ka fshehur kënaqësinë e tij pas fitores së fundit.
“Tre fitore në tre ndeshjet e kësaj jave. Tani le të fokusohemi te ndeshja e Champions League”, shkruan Ramsey në rrjetet sociale. Bardhezinjtë e Sarrit zbresin sërish në fushë ditën e martë, teksa do të presin në Torino gjermanët e Bayer Leverkusen. /abcnews.al
