Presidenti Kassym-Jomart Tokayev i ka bërë thirrje për ndihmë Organizatës së Traktatit të Sigurisë Kolektive (CSTO) për shkak të përshkallëzimit të trazirave ndërkombëtare. Protestat u nxitën fillimisht nga rritja e çmimeve të karburantit, por edhe për shkak të politikave.
Presidenti Tokayev akuzoi “bandat terroriste” të trajnuara nga të huajt se nxitën trazirat. Duke u zotuar për një përgjigje të ashpër ndaj protestave, presidenti shpalli gjendjen e jashtëzakonshme që përfshin një shtetrrethim dhe një ndalim të tubimeve masive.
Në një fjalim televiziv në orët e para të së enjtes, ai tha se kishte kërkuar ndihmë nga CSTO – një aleancë ushtarake e përbërë nga Rusia dhe pesë shtete të tjera ish-sovjetike për të ndihmuar në stabilizimin e vendit. Ndërkohë kryetari i CSTO-së, kryeministri armen, Nikol Pashinyan, konfirmoi se aleanca do të dërgojë forca paqeruajtëse “për një periudhë të kufizuar kohore”.
Presidenti Tokayev është vetëm personi i dytë që drejton Kazakistanin që kur shpalli pavarësinë në vitin 1991. Zgjedhja e tij, në vitin 2019, u dënua nga Organizata për Siguri dhe Bashkëpunim në Europë (OSBE) duke treguar respekt të pakët për standardet demokratike.
Protestat në rrugë duket se kanë pasur për qëllim paraardhësin e tij, Nursultan Nazarbayev, i cili ka luajtur një rol të rëndësishëm të sigurisë kombëtare që kur dha dorëheqjen. Të mërkurën, ai u shkarkua në një përpjekje për të mposhtur trazirat në rritje.
/abcnews.al
