Një shtetas shqiptar është arrestuar në aeroportin e Prishtinës ku po tentonte të udhëtonte drejt Frankfurtit.
Në momentin e kontrollit ai është konstatuar me pasaportë të falsifikuar. Rasti është raportuar ditën e djeshme dhe është njoftuar sot nga policia e Prishtinës në raportin e 24 orëve të fundit.
“ANP-së 23.12.2021 – 11:50. Është arrestuar i dyshuari mashkull Shqiptar shtetas i R. Shqipërisë, pasi që i njëjti ka tentuar të udhëtoj në destinacionin Prishtinë-Frankfurt, duke prezantuar pasaportën e një shteti të huaj që dyshohet të jetë i falsifikuar. I dyshuari me vendim të prokurorit është dërguar në mbajtje”, ka njoftuar policia. /Abcnews.al
