Aaron Ramsey u transferua në verë te Juventus dhe deri tani ka arritur të shënojë dy gola. Akordi mes mesfushorit uellsian dhe bardhezinjve u arrit janarin e kaluar dhe ai u transferua në Torino me parametra zero.
29-vjeçari i është rikthyer transferimit në Serie A në një prononcim për Sky Sport dhe vlerëson shumë insistimin e “Zonjës së Vjetër”, teksa shpreson që të fitojë sa më shumë tituj me ekipin e ri.
“Pas situatës së krijuar tek Arsenali, Juventusi erdhi dhe më propozoi ofertën e vet. Më kërkuan me çdo kusht dhe u sforcuan për të më pasur në ekip. Jam entuziast për këtë mundësi që më është dhënë dhe i lumtur që mund të luaj për këtë klub të madh. Do të jap maksimumin tim për të provuar fitimin e titujve“, përfundon Aaron Ramsey. /abcnews.al
