Tragjike situata në Itali, 349 persona humbin jetën brenda ditës nga koronavrusi

Ka shkuar në 27,980 numri i personave të infektuar nga koronavirusi në Itali. Gjatë ditës së sotme janë regjistruar 3,233 raste të reja. Nga numri total, vetëm gjatë ditës së sotme kanë ndërruar jetë 349 persona. Numri i personave që janë shëruar plotësisht është 2,749.

Të dhënat e fundit u njoftuan nga komisioneri i urgjencës Angelo Borrelli në një konferencë për shtyp.

Në gjithë këto shifra shqetësuese, lajmi i mirë është se gjatë ditës së sotme kanë ndërruar jetë 19 persona më pak së të dielën. Të dhënat e së dielës tregonin që numri i personave që ndërruan jetë si pasojë e Covid-19 ishte 368.