Ministri i Punëve të Brendshme, në Maqedoninë e Veriut, Pançe Toshkovski ka njoftuar se 15 persona janë shoqëruar në polici pas zjarrit në diskotekën “Puls” në Koçan
Si pasojë, e zjarrit humbën jetën 59 persona. Toshkovski tha se janë arrestuar të punësuar në Ministrinë e Ekonomisë, të punësuar në diskotekë, por edhe ish-drejtori i Drejtorisë për Mbrojtje dhe Shpëtim.
Ai tha se në mesin e 59 viktimave nga tragjedia, janë edhe tre fëmijë të mitur. Ndërkohë që në mesin e të lënduarve janë mbi 20 të mitur.
Ngjarja e rëndë ka ndodhur rreth orës 03:00 të mëngjesit të 16 marsit, në një klub nate në Koçan dhe si pasojë e flakëve mbi 155 të tjerë kanë mbetur të plagosur.
/abcnews.al/
