Trafikonin automjete luksoze nga Italia në Shqipëri, shpallen në kërkim dy shtetas

TIRANË- Finalizohet operacioni policor i koduar “Stolen Line”. Goditet një tjetër veprimtari kriminale e trafikimit të automjeteve.

Janë identifikuar dhe shpallur në kërkim 2 shtetas që trafikonin nga Italia në Shqipëri, automjete luksoze të vjedhura.

Dy automjetet me vlerë rreth 110 000 euro, janë sekuestruar nga policia.

Në bashkëpunim me Prokurorinë, vijon puna për të zbardhur raste të tjera të trafikimit të mjeteve, që mund të kenë kryer këta shtetas.

Materialet procedurale i kaluan Prokurorisë, për veprime të mëtejshme.

/abcnews.al/