Një trafik i rënduar është sot në rrugën Fushë-Krujë deri në Thumanë. Vargu i mjeteve gjatë orëve të paradites dhe të mesditës ka shkuar pesë kilometra dhe mjetet lëvizin me shpejtësi të ulët. Shkak për këtë trafik janë bërë punimet në Urën e Fushë-Krujës të cilat po kryhen edhe në orët e nxehta të ditës. Patrullat e policisë dolën që në mëngjes, por ndryshimi i situatës ka qenë i pamundur. Udhëtarët me orë të tëra po përballen me të nxehtin dhe ankohen se kjo është një gjendje e papërballueshme./ABC News Albania 24/7
