Gareth Bale mund të kthehet te Tottenham, klub në të cilin shpërtheu dhe u bë i famshëm. Ylli uellsian është drejt largimit nga Real Madrid dhe Harry Redknapp “bekon” kalimin e tij te skuadra e Jose Mourinhos.
Në një prononcim për The Sun, ish-trajneri i Spurs ndihet entuziast për rikthimin e Bale tek ekipi londinez dhe mendon se blerja e tij do kthente Tottenham një ndër kandidatët kryesorë për fitimin e titullit në ishull.
“Harry Kane, Dele Alli, Son dhe Gareth Bale; unë do t’i aktivizoja të gjithë si titullarë nëse do të isha trajneri i Tottenham. Do të shihnim një spektakël të vërtetë me të gjithë këta lojtarë në fushë.
Ardhja e Bale do i transformonte Spurs në kandidatë për fitimin e Premier League. Drithërohem kur mendoj të katër lojtarët bashkë në sulmin e Tottenham. Ekipi i Mourinhos ka nevojë për entuziazëm dhe gëzim, ardhja e Bale do i ndihmonte shumë“, deklaron Redknapp. /abcnews.al
