Lucas Torreira duket se do të largohet nga Arsenali gjatë merkatos së verës. Mesfushori nga Uruguai u bashku me “Topçinjtë” e Londrës në verën e vitit 2018, si dëshira kryesore e ish-trajnerit Unai Emery.
Por me shkarkimin e këtij të fundit, 24 vjeçari ka humbur vendin në formacion, pasi Arteta preferon dyshen Ceballos-Guendouzi si partnerë të paprekshmit Granit Xhaka.
Rikthimi i Torreiras në Serie A, aty ku shkëlqeu me Sampdorian, duket si pista më e mundshme, madje dhe vetë agjenti i tij, Pablo Bentacur, e ka konfirmuar diçka të tillë në intervistën më të fundit.
“Është e vërtetë që Torreira e dashuron rikthimin në Itali, por fillimisht duhet të bisedojmë me klubin e Arsenalit. Ata e kanë trajtuar shumë mirë klientin tim dhe duhet të tregojmë profesionalizëm. Do të bisedojmë gjatë ditëve të ardhshme”, u shpreh agjenti i mesfushorit./abcnews.al
