Të paktën 22 persona kanë humbur jetën në si pasojë e një tornadoje të fuqishme që ka goditur qytetin juglindor amerikan Nashville, të shtetit Tenesi dhe zonat përreth.
Mediat amerikane raportojnë se Tornadoja lëvizi me shpejtësi nëpër qendrën e qytetit e shoqëruar nga rrufe, duke rrënuar shumë ndërtesa. Zyrtarët e emergjencës thanë se u ishin përgjigjur të paktën 40 thirrjeve për shembje ndërtesash në të gjithë qytetin. Zyrtarët hapën me urgjencë disa strehimore për banorët e shtëpive të cilët u detyruan të largoheshin.
Tornadoja shkatërroi gjithashtu disa hangarë në një aeroport të vogël në perëndim të qytetit para se të lëvizte drejt qendrës. Të paktën dy nga vdekjet ndodhën në Nashville./abcnews.al
