Rikthehet futbolli në vendin tonë. Kategoria e Parë do të nisë këtë fundjavë . Klubet janë njoftuar të behën gati për ndeshje dhe para pak çastesh ka dalë edhe njoftimi i Federatës Shqiptare të Futbollit, që bën me dije se nisin edhe Kategoria e Dytë dhe kampionatet e moshave.
Federata Shqiptare e Futbollit bën me dije se këtë fundjavë do të nisë edicioni i ri futbollistik 2020/2021 në Kategorinë e Parë, Kategorinë e Dytë dhe në të gjitha nivelet e moshave.
Sektori i Garave në FSHF i ka nisur njoftimet klubeve dhe po kryen përgatitjen e nevojshme për këtë rifillim. Sa i përket Kategorisë Superiore, ashtu siç është njoftuar edhe nga Liga Profesioniste e Futbollit, vendimi do të merret në mbledhjen që presidentët e klubeve do të zhvillojnë sipas programit ditën e premte”, njofton FSHF. /abcnews.al
