Një ngjarje e rëndë ka ndodhur pasditen e djeshme në shtetin helen.
Një fëmijë 7-vjeçar ka ndërruar jetë 2 orë pasi kishte shkuar në spital me temperaturë të lartë. Fëmija ka lënë frymën e fundit në spitalin e Hipokratit, me mjekët që kanë luftuar për ta mbajtur në jetë, por fatkeqësisht pa sukses.
Sipas raportimit nga prototherma.gr presidenti i sindikatës së mjekëve në spitalin Hipokrati, George Dontios, 7-vjeçari ka mbërritur në spital mëngjesin e së martës me temperaturë të lartë dhe në një situatë pothuajse në gjendje kome.
Lexo edhe: Tragjedi në Selanik, 3-vjeçarja shkon në spital për ënjtje në këmbë, ndërron jetë papritur
Ai tha se është urdhëruar kryerja e autopsisë dhe raportit mjeko-ligjor për zbardhur shkakun e vdekjes.
Sipas burimeve nga protothema.gr, ndër simptomat që fëmija kishte shfaqur ishin dhe dhimbjet e forta në bark.
Kujtojmë se pak ditë më parë u nda nga jeta në rrethana misterioze në spital një tjetër fëmijë, një vajzë 3-vjeçare. Vogëlushja shkoi në spital për ënjtje në gju dhe ndërroi jetë një javë më vonë, teksa gjendja e saj shëndetësore u përkeqësua./abcnews.al/
