Një efektiv i Gardës së Republikës dyshohet të ketë vrarë veten mbrëme rreth mesnatës me armën e tij të shërbimit. Sipas njoftimit zyrtar të Policisë, ngjarja ka ndodhur rreth orës 23:00, në ambjentet e Gardës së Republikës, teksa gardisti po kryente shërbimin pranë hyrjes dytësore të institucionit.
Viktima është punonjësi i Gardës Arjon Mançe, 30 vjeç, nga Përmeti.
Policia bën të ditur se për hetimin e rastit u ngrit një grup i posaçëm nën drejtimin e Prokurorisë.
Grupi hetimor ka administruar dhe sekuestruar prova që forcojnë dyshimin se akti është kryer në kushtet e tronditjes psikike.
Hetimet po vijojnë për zbardhjen e plotë të rrethanave të ngjarjes.
Burimet i thanë ABC News se 30 vjeçari, që kishte qenë më herët me mision në Afganistan, kishte lënë dhe një letër ku paralajmëronte vetëvrasjen e tij. /abcnews.al
