Shumë specialistë futbolli e kishin parashikuar këtë renditje. Tirana dhe Bylisi u bënë kandidatët kryesorë për të rënë nga kategoria, ndërsa në Superligë u mbyllën ndeshjet e javës së 32-të.
Kur mbeten edhe 4 javë deri në fund, rreziku është tepër I madh. Tirana u mund me shifrat 2-1 në “Elbasan Arenë”, nga ekipi vendas me të njëjtin emër.
Elbasanasit e trajnerit Gvozdenoviç po humbisnin pasi Florjan Përgjoni shënoi për bardheblutë që në minutën e 11-të, por shpresuan deri në fund.
Barazimi erdhi në 72’ kur shënoi Kristi Qose, dhe ishte I njëjti lojtar që siguroi fitoren në mënyrë dramatike në minutën e tretë shtesë.
Duhet thënë se vendasit bënë më shumë dhe e merituan suksesin, e tani janë sërish vetëm 4 pikë larg Partizanit që mban vendin e katërt, pozicioni I fundit që të kualifikon për në plej ofin për titull.
Tirana është në vendin e 10-të dhe të fundit me 32 pikë, ndonëse vetëm një pikë poshtë Skënderbeut të vendit të shtatë.
Edhe Bylis është në të njëjtën gjendje pasi humbi në shtëpi.
Egnatia fitoi 2-0 në stadiumin “Adush Muça”, duke luajtur mjaft mirë, diçka që nuk e bëri disa javë më parë kundër Skënderbeut.
Regi Lushkja në 48’ dhe Guindo në 74’ ishin autorët e golave.
Kampionët janë në vend të parë me 58 pikë, të shkëputur nga të tjerët, ndërsa Bylisi ka 33 pikë në vend të parafundit.
