Loading ...
Ish-kryeministrja e Ukrainës, Yulia Timoshenko, ka rezultuar pozitive me COVID-19, kështu njoftoi zëdhënësja e saj, raportojnë mediat e huaja.
Ajo është në gjendje të rëndë, ndërsa po ashtu burri dhe vajza e saj janë infektuar.
Timoshenko është anëtare e parlamentit ukrainas, apo Verkhovna Rada, dhe drejtuese e Batkivshchyna, një nga partitë më të mëdha politike të vendit.
Ajo bashkëdrejtoi Revolucionin Portokalli dhe ishte gruaja e parë e emëruar kryeministre e Ukrainës, duke shërbyer në zyrë nga 24 janari deri më 8 shtator 2005 dhe përsëri nga 18 dhjetori 2007 deri më 4 mars 2010.
Timoshenko përfundoi si e dyta në balotazhin e zgjedhjeve presidenciale të vitit 2010 dhe 2014 të Ukrainës, dhe e treta në vitin 2019.
Në 24 orët e fundit janë regjistruar 1.987 raste të reja në Ukrainë, duke e çuar numrin e përgjithshëm në 104.958 raste./abcnews.al
