E ardhmja e Thomas Strakoshës është në dyshim prej kohësh te Lazio. Ky sezon ishte një ndër më të vështirët në karrierën e tij, pasi pas dëmtimeve dhe infektimit me Covid-19, ai nuk e pa më rregullisht vendin e titullarit.
Trajneri Simone Inzaghi nuk e fali pas një gafe në rikthim portierin e kombëtares sonë dhe e abonoi menjëherë me stolin, duke aktivizuar Pepe Reina në pjesën më të madhe të ndeshjeve. Pas kësaj Strakosha i shfaqi qartë pakënaqësitë e tij dhe i hapi derën largimit në verë.
Kontrata e tij skadon në verën e vitit të ardhshëm dhe në rast se nuk rinovon, largohet. Corriere della Sera tregon situatën e portierit kuqezi. Spas kësaj medie e ardhmja e Strakoshës lidhet ngushtë me atë të Simone Inzaghit.
Në rast se ai konfirmohet në krye të stolit të Lazios, largimi i Strakoshës është i pashmangshëm. Ndërkohë, nëse trajneri largohet, Strakosha do jetë gati të shqyrtojë situatën e tij në klub, teksa nuk është aspak dakord të kalojë një tjetër sezon në stol. /abcnews.al
