Valencia arriti një fitore me shumë polemika pasditen e djeshme ndaj Real Madrid, ku padyshim fokusi kryesor ishin koret raciste në drejtim të anësorit të “galaktikëve”, Vinicius Junior, thirrje që detyruan këtë të fundit të lërë më herët fushën e blertë pas daljes me kartonin e kuq në fundin e lojës.
Mbi këtë ngjarje ka reaguar në mënyrë zyrtare dhe klubi i Valencia, të cilët me anë të një deklarate të postuar në faqen e tyre zyrtare thanë se klubin dënon publikisht çdo formë abuzimi dhe diskriminimi në sportin e bukur të futbollit.
“Valencia dënon publikisht çdo formë abuzimi dhe diskriminimi në futboll.
Klubi është i përkushtuar ndaj vlerave të respektit dhe shpirtit sportiv, rikonfirmon publikisht qëndrimin e tij kundër dhunës fizike dhe verbale në stadiume dhe shpreh keqardhjen për ngjarjet e ndodhura gjatë ndeshjes së xhiros së 35-të të La Liga kundër Real Madrid.
Edhe pse ky është një episod i vetëm, fyerjet nga asnjë lojtar i skuadrës kundërshtare nuk kanë vend në futboll, ato nuk korrespondojnë me vlerat dhe shpirtin e Valencias.
Klubi po heton ngjarjen dhe do të marrë masat më të rënda. Në të njëjtën kohë, Valencia dënon çdo formë sulmi dhe kërkon që tifozët tanë të respektohen”,- thuhet në deklaratën e plotë të klubit, pas thirrjeve të shëmtuara ndaj Vinicius. /i.m /abcnews.al
