Thiago Silva do të largohet nga PSG. Ky është viti i fundit i kontratës për mbrojtësin brazilin, i cili është lajmëruar nga Leonardo, drejtori sportiv i klubit francez, se nuk do t’i ofrohet rinovimi.
L’Equipe e raporton diçka të tillë dhe 36-vjeçari po sheh për një ekip të ri për të vijuar karrierën. Tetë sezone kaloi Thiago Silva në kryeqytetin francez dhe fitoi 21 trofe gjatë kësaj periudhe.
Pavarësisht kësaj, Jerome Rothen ka përfituar ta sulmojë atë. “Ai nuk arriti kurrë në nivelin e Sergio Ramos ose Virgil Van Dijk. Paratë që ka fituar te PSG nuk do t’i fitonte askund tjetër“, deklaron ish-lojtari i PSG-së.
Rothen vazhdon edhe më tej, duke zbuluar se kush është defekti i qendërmbrojtësit. “Thiago është një futbollist i mirë, por ka limite në aspektin mental“, thekson Rothen për RMC. /abcnews.al
