Të shtëna me armë zjarri janë regjistruar mëngjesin e kësaj të enjtje në Mallakastër, duke trembur banorët. Burime për Abc News bëjnë me dije se ngjarja ka ndodhur në fshatin Gorishovë, të Mallakastrës.
Sipas informacioneve mësohet se një person ka qëlluar në ajër me armë zjarri duke shkaktuar panik te banorët e fshatit, por fatmirësisht nga ngjarja nuk ka të lënduar.
Policia ka bërë të mundur identifikimin dhe shoqërimin e autorit të kësaj ngjarje,D. A., 30 vjeç, banues në Gorishovë, i cili dyshohet se ka qenë në gjendje të dehur . Ndërkohë po punon për zbardhjen e plotë të kësaj ngjarje.
Në cilësinë e provës materiale u sekuestrua arma tip kallashnikov, të cilën 30-vjeçari e kishte fshehur në pyll.
Njoftimi i plote:
Fier- Policia zbardh ngjarjen e ndodhur në orët e para të datës 11.06.2020 në fshatin Gorishovë.
Kapet dhe arrestohet në flagrancë personi që gjuajti në ajër me armë zjarri.
Sekuestrohet arma me të cilën ka gjuajtur autori.
Sot, rreth orës 01:00, është marrë njoftim se në fshatin Gorishovë janë dëgjuar të shtëna me armë zjarri.
Nga të shtënat nuk ka pasur persona të lënduar.
Menjëherë, në fshatin Gorishovë, kanë shkuar shërbimet e Policisë, të cilët falë veprimeve të shpejta operacionale bënë të mundur kapjen dhe arrestimin në flagrancë të autorit të dyshuar, shtetasit D. A., 30 vjeç, banues në Gorishovë, i cili dyshohet se ka qenë në gjendje të dehur.
Në cilësinë e provës materiale u sekuestrua arma tip kallashnikov, të cilën 30-vjeçari e kishte fshehur në pyll.
Materialet do t’i kalojnë Prokurorisë pranë Gjykatës së Shkallës së Parë Fier, për veprime të mëtejshme procedurale./abcnews.al
