Një tjetër ngjarje ka tronditur vendin përgjatë orëve të pasdites. Një person identifikuar si Ronaldo Gurabardhi ka qëlluar me armë zjarri në ajër, në afërsi të një banese në zonën e Kombinatit pas një konflikti me Artur Korteshin.
Mësohet se Gurabardhi dhe Korteshi janë konfliktuar dy ditë më parë me njëri-tjetrin. Gurabardhi ka shkuar ditën e sotme pranë banesës së Korteshit dhe pasi ka qëlluar me armë zjarri në ajër duke terrorizuar edhe banorët e zonës është larguar me shpejtësi me një automjet. Policia njofton se po punohet për kapjen e tij dhe zbardhjen e plotë të rrethanave të ngjarjes.
“Specialistët për Hetimin e Krimit në Komisariatin e Policisë Nr.6 referuan materialet në Prokurorinë pranë Gjykatës së Shkallës së Parë Tiranë dhe punohet për kapjen dhe shoqërimin e shtetasit R. G., 25 vjeç,
pasi dyshohet se me datë 20.03.2021, rreth orës 15:10, në Kombinat, në rrugën “Shaban Bardhoshi”, dyshohet se ka qëlluar me armë zjarri në ajër në afërsi të një banese dhe më pas është larguar me shpejtësi me një mjet. Punohet për kapjen dhe shoqerimin e këtij shtetasi”, njofton policia./mv.abcnews.al
