Tërmeti që u ndje mbrëmjen e sotme në disa qytete të Shqipërisë ka ngjallur frikë dhe panik te qytetarët, të cilët kanë preferuar që mos të qëndrojnë në banesat e tyre.
Lexo edhe: Çfarë po ndodh me sizmologët?! Tërmeti i Lezhës transferohet në Librazhd
Në Librazhd, ku lëkundjet u ndjenë më shumë, qytetarët kanë dalë nëpër rrugë dhe nuk kanë munguar as patrullat e policisë. Në kohën kur ra tërmeti një pjesë e qytetarëve ishin jashtë, ndërkohë një pjesë dolën jashtë nga frika.
Deri tani nuk ka raportime për dëme.
Tërmeti i magnitudës 4.1 ishte me epiqendër 5 kilometër në perëndim të Librazhdit.
Lëkundjet në thellësinë 5 km ndjerë në shumë qytete, Lezha, Durrësi, Tirana, Elbasani dhe Librazhdi. /abcnews.al
