Autoritetet shëndetësore në Kroaci bëjnë me dije se pas tërmetit shkatërrues që goditi Kroacinë, spitalet bënë të mundur evakuimin e pacientëve.
Drejtori i spitalit të Traumës në Drashkovicëva, Slavko Sabaliç, pas një kontakti me mediat tha se pacientët në këtë spital janë evakuuar menjëherë, por shtoi se numri i të plagosurve nga tërmeti i para pak minutave është në rritje.
Lexo edhe: Kaos nga tërmeti në Kroaci, kryebashkiaku: Një fëmijë vdiq, u shkatërrua gjysma e qytetit! LIVE
Nga ana tjetër Mario Zova drejtori i Vinogradska deklaroi se të gjithë pacientët u nxorën jashtë ndërtesës, përveç personave të pajisur me aparate.
“Menjëherë pas tërmetit, spitalet e Zagrebit u evakuuan. Të gjithë janë mirë, askush nuk u lëndua. Ne i nxorëm të gjithë pacientët jashtë, përveç atyre që janë të pajisur me aparate. Ka pasur disa dëmtime në pjesët e brendshme të ndërtesës, por tani i kemi rivendosur të gjitha gjërat në vend. Tashmë po punojmë që të rikthejmë pacientët brenda ambienteve të spitalit, tha Mario Zova drejtori i Vinogradska.
/abcnews.al/
