Kryeministri Edi Rama ka zbuluar sot në tjetër arsye për tërheqjen nga gjyqi me gazetën gjermane Bild pas padisë për shpifje.
Pas deklaratës së bërë pak javë më parë se e kishte ndërmarrë këtë veprim pasi ishte njohur me shefat e saj editorialë, kreu i qeverisë u shpreh sot në një intervistë me gazetarin Çim Peka se ishte tërhequr për t’i kursyer “disa të holla” nga arka e Partisë Socialiste.
“Nuk kam shumë për të thënë lidhur me këtë sepse e kam shkruar në atë që ju zemërgjerësisht lexuat që, takimi me shefat editorialistë të gazetës ishte me të vërtetë një takim mbresëlënës nga pikëpamja e komunikimit, nga pikëpamja e diskutimit që bëmë për shumëçka dhe duke qenë se u ndërtua një marrëdhënie njerëzore dhe mu duk e pamotivueshme brenda vetes që të vazhdoja gjyqin. Me këtë rast kurseva edhe disa të holla nga arka e Partisë Socialiste”, u shpreh Rama.
LEXO EDHE: “Pa mua mund të kishim 18 mijë vdekje”, Rama flet për deklaratën që bëri zhurmë
Por pyetur se nëse është i shqetësuatr që audiopërgjimet vijojnë të jenë të publikuar në faqen e Bild, Rama tha se kjo nuk ka qenë pjesë e diskutimeve.
“Nuk ka qenë takim lidhur me këtë çështje. Nuk e kemi diskutuar fare këtë çështje. Ka qenë një takim me shefat editorialistë të gazetës me të cilët, e përsëris, kemi pasur një diskutim për shumëçka Faktikisht, sot që flasim, kemi marrëdhënie miqësore që të tjerat pastaj janë spekulime”, u përgjigj kryeministri./abcnews.al
