Bashkëshorti i parë i Britney Spears është dënuar pas aksidentit në dasmën e këngëtares amerikane në qershor.
Ai u shfaq pa paralajmërim në dasmë.
Jason Alexander, 40 vjeç, pranoi akuzat. Një gjykatës e dënoi atë me 64 ditë, kohën që ai ka vuajtur tashmë.
Ai u kap nga siguria pasi donte të prishte dasmën mes Spears dhe partnerit të saj prej kohësh, Sam Asghari.
Alexander u martua me yllin e popit në vitin 2004, por dasma u anulua pas 55 orësh.
Spears, 40 vjeç, dhe Asghari, 28 vjeç, u martuan në një ceremoni private në shtëpinë e saj në Ventura County të Kalifornisë më 9 qershor.
Por përgatitjet u ndërprenë nga mbërritja e Alexander. Pak më parë ai kishte postuar një histori Live në Instagram ku thoshte se ishte aty për të “prishur” dasmën.
Në video ai duket duke ecur nëpër shtëpinë e Spears në kërkim të saj. Ai pretendoi se ishte ftuar nga këngëtarja duke thënë “Ajo është gruaja ime e parë, gruaja ime e vetme.”
Alexander u arrestua dhe u dërgua në një burg lokal.
Ceremonia vazhdoi pavarësisht trazirave, ku morën pjesë yje duke përfshirë Madonna, Paris Hilton, Selena Gomez, Dreë Barrymore, Ansel Elgort dhe Will.i.am./Abcnews.al/
