Gruaja e ish-futbollistit anglez Kevin Philipps, Julie Philipps, u arrestua pak ditë më parë nga policia e Staffordshire, për shkak se kishte tentuar të vriste me thikë një 20 vjeçar. Gjithçka ka ndodhur të shtunën mbrëma, në një festë të organizuar në shtëpinë e një prej mikeshave të Julie Philipps.
Kjo e fundit është përfshirë në një sherr me disa persona, më pas ka marrë thikën dhe ka plagosur 20 vjeçarin, emri i të cilit nuk është publikuar nga policia e Staffordshire. Për fat të mirë, djaloshi është jashtë rrezikut për jetën dhe i shtruar në spital.
Sot, u mor vendimi për Julie Philipps, e cila u lirua nga burgu dhe akuzat kundër saj u tërhoqën nga familja e të sulmuarit. Kevin Philipps, tashmë 46 vjeç, ka luajtur për disa skuadra në Premier League, si Sunderland, Leicester, Southampton dhe Aston Villa./abcnews.al
