Loading ...Policia e Tiranës ka finalizuar operacionin ‘Akuza’ duke arrestuar tre persona.
Tre javë më parë, në zonën e Institutit një 36 vjeçar tentoi të vriste me armë zjarri një shtetas. Si pasojë e hetimeve policore, në pranga kanë rënë 36 vjeçari Fatmir Frroku si dhe dy bashkëpunëtorët e tij.
Ndaj Frrokut rëndojnë akuzat për veprat penale “Vrasja me paramendim”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe municionit”.
Sakaq, në pranga kanë rënë edhe Izet Leka 32 vjeç, Marsildo Ndoja 30 vjeç për veprën penale “Përkrahja e autorit të krimit”. 36-vjeçari u kap pas ndjekjes së automjetit me të cilin ai lëvizte bashkë me Marsildo Ndoja, nga Instituti deri në bulevardin “Nënë Tereza”.
/ abcnews.al /
