Sezoni i fundit ishte zhgënjyes për River Plate. “Millonarios” dështuan në luftën për titullin kampion, trofe që u fitua nga “armiqtë” e Boca Juniors. Më e tmerrshme ishte disfata në finalen e Kupës Libertadores.
Djemtë e Gallardos po udhëhiqnin 1-0 ndaj Flamengos, por Gabriel Barbosa shënoi dy herë në minutat 89’ dhe 90+2’, duke kompletuar një përmbysje të çmendur dhe duke i dhuruar skuadrës braziliane një fitore të paharrueshme.
River dëshiron të kthehet te fitimi i trofeve dhe ka një ëndërr për merkaton, që quhet Luis Suarez. Nga Spanja vijnë raportime se klubi i famshëm argjentinas është gati të nisë bisedimet me lojtarin dhe Barcelonën.
33-vjeçari nga Uruguaj ndihet për mrekulli te skuadra katalanase, por ardhja e mundshme e Lautaro Martinez mund të ndikojë në largimin e tij, një vit përpara se t’i përfundojë kontrata me kampionët e Spanjës. /abcnews.al
